សម្តេចវិបុលសេនាភក្តី សាយ ឈុំ សូមសម្តែងនូវការអបអរសាទរ ចំពោះសម្តេចតេជោ ហ៊ុន សែន ទទួលពានរង្វាន់ \"ភាពជាអ្នកដឹកនាំនិងអភិបាលកិច្ចល្អ”
19-November-2019 | ដោយ ពលមនសិការ
ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា តាងនាមព្រឹទ្ធសភា សូមសម្តែងនូវការអបអរសាទរដ៏ស្មោះស្ម័គ្របំផុតជូន សម្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសប្រកបដោយមហាកិត្តិយសដ៏ឧត្តុង្គឧត្តម ដែលសម្តេច ទទួលបានពានរង្វាន់ "ភាពជាអ្នកដឹកនាំនិងអភិបាលកិច្ចល្អ” ពីសហព័ន្ធសន្តិភាពសកល នៅថ្ងៃទី១៩ ខែវិច្ឆិកា ឆ្នាំ២០១៩។
ការទទួលពានរង្វាន់នេះ ជាមហាកិត្តិយសដ៏ថ្លៃថ្លាឧត្តុង្គឧត្តមបំផុតសម្រាប់ប្រទេសជាតិ និងប្រជាជនកម្ពុជាទាំងមូល និងស័ក្តិសមបំផុតចំពោះ សម្តេចអគ្គមហាសេនាបតីតេជា ដែលមានភាពជាអ្នកដឹកនាំដ៏ឈ្លាសវៃបំផុត ក្នុងការដឹកនាំប្រទេសកម្ពុជា ទទួលបាននូវ សន្តិភាពពេញលេញ ស្ថិរភាព ឯករាជ្យភាពអធិបតេយ្យភាព ហើយបាននឹងកំពុងបន្តអភិវឌ្ឍសេដ្ឋកិច្ច សង្គមរបស់កម្ពុជាឲ្យកាន់តែរីកចម្រើនរុងរឿងខ្លាំងក្លាថែមទៀត ដូចបណ្តាប្រទេសជឿនលឿនដទៃទៀត។ សម្តេចជាអត្តមគ្គទេសក៍ និងជាអ្នកការទូតដ៏ឆ្នើមបំផុតក្នុងការកសាងទំនាក់ទំនង និងសហប្រតិបត្តិការដ៏ទូលំទូលាយជាមួយបណ្តាប្រទេសនៅក្នុងតំបន់ និងសកលលោកធ្វើឱ្យកម្ពុជាទទួលបានកិត្យានុភាពជាតិខ្ពង់ខ្ពស់ នៅលើឆាកអន្តរជាតិ។
ក្នុងឱកាសដ៏មហាប្រសើរថ្លៃថ្លានេះ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សូមគោរពជូនពរ សម្តេចអគ្គមហាសេនាបតីតេជោ និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី ចៅប្រុស ចៅស្រីទាំងអស់របស់សម្តេច សូមទទួលបាននូវ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
ចំនួនអ្នកទស្សនា
- ថ្ងៃនេះ4691
- ម្សិលមិញ20231
- សប្តាហ៍នេះ83771
- ខែនេះ105651
- ឆ្នាំនេះ105651
- សរុប20548107